Plantun de Prouvènço

Pèr coumpara dos planto d'encò nostre

Cuscuta planiflora & Veronica anagallis-aquatica

Péu-de-lin(-di-flour-plano)

Cuscuta planiflora

Convolvulaceae

Àutri noum : Péu-de-lin, Péu-de-damo, Rasco, Barbo-de-mouine, Cuscuto.

Nom en français : Cuscute à fleur plane.

Descripcioun :
Lou péu-de-lin-di-flour-plano douno d'èr à Cuscuta epithymum, pamens li flour soun blanco e pu pichoto. Es uno planto coumuno en basso Prouvènço au contro de sa cousino que mounto mai. Se n'en destrìo subretout que li sepalo an de lobe redoun e pas pounchu. Bessai que s'agirié de la memo meno qu'eisisto de bastard.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo dins lou coumèrci. Tant se poudrié que siegue parié pèr li nostre.

Port : Erbo
Taio : 10 à 30 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Cuscuta
Famiho : Convolvulaceae

Ordre : Solanales

Coulour de la flour : Blanco
Petalo : 5
Ø (o loungour) enflourejado : 4 à 6 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à avoust

Liò : Tepiero seco - Relarg à jóuinis aubret
Estànci : Termoumediterran à Coulinen
Couroulougi : Éurimediterrano
Ref. sc. : Cuscuta planiflora Ten., 1829

Mourihoun-d'aigo

Veronica anagallis-aquatica

Plantaginaceae Scrophulariaceae

Àutri noum : Pan-froument, Creissoun-blanc.

Noms en français : Véronique aquatique, Mouron d'eau.

Descripcioun :
Lou mourihoun-d'aigo es uno planto coumuno que trachis dins li ribiero, palun, mueio e peréu li roubino. Au contro dóu creissoun-bouioun que trachis dins li mémi mitan, a li fueio embrassanto. Li flour soun vióuleto e venado. Coumpara emé lou creissoun-bouioun. Coumpara tambèn emé la verounico-faus-mourihoun que ié sèmblo proun, mai qu'a de bousèu pu long que large.

Usanço :
Lou mourihoun-d'aigo se manjo en ensalado cruso o pulèu cuecho se vous mesfissas de l'endèrvo dóu fege.

Port : Erbo
Taio : 10 à 60 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Veronica
Famiho : Plantaginaceae
Famiho classico : Scrophulariaceae

Ordre : Lamiales

Coulour de la flour : Vióuleto
Petalo : 4
Ø (o loungour) flour : 4 à 8 mm
Flourido : Printèms - Estiéu - Autouno

Sòu : Ca
Autour basso e auto : 0 à 1200 m
Aparado : Noun
Mai à óutobre

Liò : Aigo - Ribiero - Palun - Mueio
Estànci : Mesoumediterran à Mountagnard
Couroulougi : Subrecousmoupoulito
Ref. sc. : Veronica anagallis-aquatica L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Cuscuta planiflora & Veronica anagallis-aquatica

ges

Coumpara Péu-de-lin(-di-flour-plano) emé uno autro planto

Coumpara Mourihoun-d'aigo emé uno autro planto